კალაური კახეთის მთისწინეთში, ისტორიულ ალაზნის ველზე მდებარეობს. სოფელი გომბორის ქედის ჩრდილო-აღმოსავლეთ კალთაზე, ზღვის დონიდან 550 მეტრზეა გაშენებული. აქ შუა საუკუნეების ეკლესია-მონასტრების სიმრავლე და მდიდარი მევენახეობის ტრადიციები გხვდებათ.
დასვენება კალაურში
ღირსშესანიშნაობები
სასტუმროები
მეტის ნახვა
რესტორნები
როგორ მივიდეთ
კალაური გურჯაანი-თელავის ცენტრალურ გზაზე მდებარეობს. გურჯაანიდან სოფლამდე მანძილი 18 კილომეტრია.
მგზავრობის დრო:
თბილისიდან: 2 საათი და 15 წუთი
ქუთაისიდან: 4 საათი და 40 წუთი
ბათუმიდან: 6 საათი და 50 წუთი
საუკეთესო დრო სტუმრობისთვის
კალაურში სტუმრობა წლის ნებისმიერ დროს შეიძლება. გაზაფხულზე და შემოდგომაზე აქ განსაკუთრებით სასიამოვნო ამინდებია, იდეალური ეკლესიების მოსანახულებლად და ფეხით სასეირნოდ. ღვინის მოყვარულებისთვის რთველის პერიოდი (სექტემბერი-ოქტომბერი) საუკეთესო დროა სტუმრობისთვის.
ისტორია და მემკვიდრეობა
სოფელი პირველად XIV საუკუნის ისტორიულ წყაროებში იხსენიება. კალაურის მთავარი სიმდიდრე მისი საეკლესიო არქიტექტურაა. IX საუკუნის იოანე ნათლისმცემლის სამონასტრო კომპლექსში კახეთ-ჰერეთის მეფის კვირიკე III-ის საფლავია აღმოჩენილი. სოფელში ასევე მდებარეობს VI-VII საუკუნეების წმინდა გიორგის ეკლესია და გვიანი შუა საუკუნეების წმინდა ნინოს დარბაზული ეკლესია.
ხშირად დასმული კითხვები
რამდენი მცხოვრებია კალაურში?
2014 წლის მონაცემებით სოფელში 1976 ადამიანი ცხოვრობს.
რომელი ღვინის მარანია ყველაზე ძველი კალაურში?
სოფელში შემორჩენილია XVII საუკუნის "პაპოაანთ" მარანი (ჯანიაშვილების მარანი).
რა დღესასწაულები აღინიშნება კალაურში?
სოფელში აღნიშნავენ კვირაცხოვლობას და კალაურობის დღესასწაულს, რომელიც 29 აგვისტოს იმართება.
რა არის კალაურის მთავარი ღირსშესანიშნაობა?
IX საუკუნის იოანე ნათლისმცემლის სამონასტრო კომპლექსი, სადაც კახეთ-ჰერეთის მეფის საფლავია აღმოჩენილი.