წესები და პირობები - 27.04.2025

1. ჩვენ შესახებ

შპს ჰორაიზონ ენჯინი (შემდგომში ჩვენ, ჩვენი, კომპანია, ipovesastumro.ge)
საიდენტიფიკაციო კოდი: 402339377
მისამართი: საქართველო, თბილისი, დიდუბის რაიონი, აკაკი წერეთლის გამზირი, N 116
კომპანიის საერთო ელ-ფოსტა: [email protected]
ტელეფონის ნომერი: +995 511 33 00 66

შპს „ჰორაიზონ ენჯინი" ფლობს და მართავს შემდეგ პლატფორმას: ipovesastumro.ge.

ჩვენი პლატფორმა წარმოადგენს ტექნოლოგიურ ონლაინ-ინსტრუმენტს, რომელიც საშუალებას აძლევს მასპინძლებს განათავსონ ინფორმაცია თავიანთი საცხოვრებლების შესახებ და სტუმრებს მოძებნონ და დაჯავშნონ ეს საცხოვრებლები.

ჩვენი პლატფორმა არის „ელექტრონული კომერციის შესახებ" საქართველოს კანონით გათვალისწინებული შუალედური მომსახურების მიმწოდებელი. კომპანია მოქმედებს მხოლოდ როგორც შუალედური მომსახურების მიმწოდებელი (შუამავალი) მასპინძლებსა და სტუმრებს შორის კავშირის დასამყარებლად.

2. საკონტაქტო ინფორმაცია

ნებისმიერი საკითხის დასაფიქსირებლად თქვენ შეგიძლიათ მიმართოთ კომპანიის კლიენტთა მომსახურების ცენტრს ან მიმართოთ კომპანიას ელექტრონული შეტყობინების გაგზავნის გზით.

პლატფორმა/ვებგვერდი ელ-ფოსტა ტელეფონის ნომერი შპს "ჰორაიზონ ენჯინი" / ipovesastumro.ge [email protected] +995 511 33 00 66

3. მომხმარებლის, კომპანიისა და მასპინძლის ურთიერთობა

3.1. მომხმარებლის, კომპანიისა და მასპინძლის ურთიერთობა

1. წინამდებარე წესები და პირობებით განისაზღვრება თქვენ მიერ კომპანიის პლატფორმის გამოყენებისა და მომსახურების მიღების პირობები. რეგისტრაციით, თქვენ ეთანხმებით წესებს და პირობებს, თქვენი და ნებისმიერი მესამე პირის სახელით, ვინც იყენებს თქვენი ანგარიშის/პროფილის ქვეშ შპს „ჰორაიზონ ენჯინის" ნებისმიერ სერვისს/პლატფორმას.

2. სამართლებრივი ურთიერთობა მომხმარებელსა და მასპინძელს შორის რეგულირდება კომპანიის მონაწილეობის გარეშე, დამოუკიდებლად. მასპინძელი ერთპიროვნულად არის პასუხისმგებელი მის მიერ განთავსებული (ან მისი მითითებით კომპანიის მიერ განთავსებული) საცხოვრებლის შესახებ ინფორმაციის უტყუარობასა და შესაბამისობაზე.

3. კომპანია არ ფლობს, არ ქმნის, არ ყიდის, არ ამარაგებს, არ აკონტროლებს, არ მართავს, არ სთავაზობს, არ აწვდის ან არ უზრუნველყოფს რაიმე განცხადებას ან მასპინძლის მომსახურებას. მასპინძლები არიან ერთპიროვნულად პასუხისმგებელნი თავიანთ განცხადებებსა და მომსახურებაზე.

4. საცხოვრებლის დაჯავშნისას, სტუმარი დებს პირდაპირ ხელშეკრულებას მასპინძელთან. კომპანია არ არის და არ გახდება ამ სახელშეკრულებო ურთიერთობის მხარე.

5. მასპინძელი პასუხისმგებელია სტუმრის წინაშე საცხოვრებლის მდგომარეობაზე, პროდუქტის დაბრუნებაზე, პროდუქტის სტუმრისთვის პირადად ჩაბარებაზე, საგარანტიო პირობების შესრულებაზე, შეკვეთის გაუქმებაზე, არასწორ ფასზე და ა.შ. შესაბამისად, აღნიშნული სახის პრეტენზიის დასაფიქსირებლად, მიმართეთ პირადად მასპინძელს.

6. კომპანია არ არის პასუხისმგებელი მასპინძლის მიერ მიღებულ გადაწყვეტილებებზე.

3.2. მასპინძლის სპეციფიკური პირობები

1. განცხადების შექმნისას მასპინძელმა უნდა მიუთითოს სრული და ზუსტი ინფორმაცია საცხოვრებლის შესახებ (მაგ., აღწერა, ადგილმდებარეობა, კალენდარული ხელმისაწვდომობა, ფასი, წესები და მოთხოვნები) და დროულად განაახლოს იგი.

2. მასპინძელი ერთპიროვნულად პასუხისმგებელია ყველა მოქმედი ადგილობრივი და ეროვნული კანონის, წესის, რეგულაციის, ნებართვის, ლიცენზიის, უსაფრთხოების სტანდარტისა და საგადასახადო ვალდებულების იდენტიფიცირებაზე, გაგებასა და შესრულებაზე, რომლებიც ეხება მის განცხადებასა და მოკლევადიანი გაქირავების საქმიანობას საქართველოში.

3. მასპინძელი ადგენს საკუთარ „სახლის წესებს" და სტუმრისთვის მოთხოვნებს, რომლებიც არ უნდა ეწინააღმდეგებოდეს ამ პირობებსა და მოქმედ კანონმდებლობას.

4. მასპინძელი ვალდებულია დროულად უპასუხოს დაჯავშნის მოთხოვნებს და პროფესიონალურად დაუკავშირდეს სტუმრებს.

5. მასპინძელი პასუხისმგებელია თავის ქმედებებსა და უმოქმედობაზე, აგრეთვე ნებისმიერი სხვა პირის ქმედებებსა და უმოქმედობაზე, რომელიც იმყოფება საცხოვრებელში მასპინძლის მოწვევით ან ნებართვით.

6. მასპინძლებმა ნათლად და ზუსტად უნდა მიუთითონ ყველა სავალდებულო საფასური პლატფორმის შესაბამისი საფასურის ველების გამოყენებით, რათა უზრუნველყონ სტუმრებისთვის ნაჩვენები ჯამური ფასის სისწორე დაჯავშნამდე.

3.3. სტუმრის სპეციფიკური პირობები

1. სტუმარს შეუძლია დაჯავშნოს განცხადება პლატფორმის მეშვეობით დაჯავშნის პროცესის შესაბამისად. ყველა მოქმედი საფასური, მათ შორის განცხადების საფასური, მომსახურების საფასური და გადასახადები, წარედგინება სტუმარს დაჯავშნამდე.

2. სტუმარი თანახმაა გადაიხადოს მთლიანი საფასური დაჯავშნასთან დაკავშირებით.

3. სტუმარი ვალდებულია დაიცვას მასპინძლის მიერ დადგენილი „სახლის წესები", ჩასვლისა და გამოსვლის დრო, და პატივისცემით მოეპყროს საცხოვრებელსა და მასპინძელს.

4. სტუმარი პასუხისმგებელია თავის ქმედებებსა და უმოქმედობაზე, აგრეთვე ნებისმიერი სხვა პირის ქმედებებსა და უმოქმედობაზე, რომელსაც სტუმარი იწვევს ან აძლევს წვდომას საცხოვრებელში.

3.4. მომხმარებლის განცხადებები და გარანტიები

წინამდებარე წესებსა და პირობებზე თანხმობით, თქვენ ადასტურებთ და ეთანხმებით, რომ:

1. თქვენ ხართ ქმედუნარიანი ფიზიკური პირი (მინიმუმ 18 წლის) ან საქართველოს კანონმდებლობის შესაბამისად უფლებაუნარიანი იურიდიული პირი, რომელიც არ იმყოფება რაიმე სახის ზემოქმედების ქვეშ და თავისუფალი ნების გამოვლენის საფუძველზე ეთანხმებით წინამდებარე წესებს და პირობებს, კონფიდენციალურობის პოლიტიკას და დაბრუნების პოლიტიკას;

2. თქვენ მიერ მომხმარებლისთვის თუ კომპანიისთვის წარმოდგენილი ყველა ინფორმაცია/მასალა არის და იქნება ზუსტი და არ არის/არ იქნება ყალბი, არაზუსტი, შეცდომაში შემყვანი ან/და ცილისმწამებლური. ასევე, არ გამოიყენებთ პლატფორმას ყალბი ინფორმაციის გავრცელების მიზნით;

3. არ ხართ ჩაბმული ან არ მონაწილეობთ არცერთი იურისდიქციის კანონმდებლობით (რაც მოიცავს საქართველოს კანონმდებლობას) გათვალისწინებულ რაიმე სახის უკანონო საქმიანობაში;

4. არ გამოიყენებთ: ა) სახელს, რომელიც შესაძლოა დამამცირებელი და შეურაცხმყოფელი აღმოჩნდეს ნებისმიერი სხვა პირისათვის; ბ) სხვა პირის მაიდენტიფიცირებელ ინფორმაციას კომპანიის პლატფორმაზე რეგისტრაციის მიზნით გ) სხვა კომპანიის, კომპანიის თანამშრომლის ან ნებისმიერი სხვა პირის მონაცემებს განსახიერების მიზნით; დ) სხვა მომხმარებლის ანგარიშს ან/და არ შეეცდებით მოიპოვოთ წვდომა სხვა მომხმარებლის ავტორიზაციის ინფორმაციაზე მათი და ჩვენი თანხმობის გარეშე;

5. არ გადასცემთ ipovesastumro.ge-ის პლატფორმის პირად ანგარიშს და ID-ს მესამე პირს ჩვენი თანხმობის გარეშე;

6. არ გაავრცელებთ ან გამოაქვეყნებთ სპამს (SPAM), არასასურველ/საზიანო ელექტრონული კომუნიკაციებს და არ გამოიყენებთ მოწყობილობას, პროგრამას, რომლის მიზანი არის ინფორმაციის მოპოვება პლატფორმიდან ან/და ნორმალური ფუნქციონირებისათვის ხელის შეშლა.

4. პლატფორმაზე რეგისტრაცია, ანგარიშის (პროფილის) გახსნა, მართვა და დახურვა

4.1. რეგისტრაცია და ანგარიშის (პროფილის) მართვა

1. პლატფორმის მომსახურებით სრულყოფილად სარგებლობისთვის აუცილებელია ანგარიშის (პროფილი) შექმნა. ანგარიშის გასახსნელად უნდა მიჰყვეთ პლატფორმაზე განთავსებულ ინსტრუქციას: მიუთითოთ მოთხოვნილი ინფორმაცია და საჭიროებისამებრ, გაიაროთ ვერიფიკაცია.

2. ანგარიშის (პროფილის) შექმნის დროს მითითებული მონაცემების სიზუსტეზე სრული პასუხისმგებლობა გეკისრებათ თქვენ.

3. პლატფორმაზე რეგისტრაციისა და ვერიფიკაციის შემდეგ, ვებგვერდის გამოყენებას შეძლებთ ავტორიზაციის წარმატებით გავლის შემდეგ. ავტორიზაცია ხორციელდება თქვენ მიერ დაფიქსირებული ელ-ფოსტის, ტელეფონის ნომრითა და პაროლის საშუალებით.

4. აკრძალულია მომხმარებლის სახელში ნებისმიერი სახის შეურაცხმყოფელი ფრაზის მითითება.

5. აკრძალულია ერთი მომხმარებლის მიერ ერთზე მეტი პროფილის (ანგარიშის) გახსნა/ფლობა/მართვა. თქვენ უფლებამოსილი ხართ ipovesastumro.ge პლატფორმაზე დარეგისტრირდეთ და მართოთ მხოლოდ 1 (ერთ) პროფილს (ანგარიშს). აღნიშნული წესის დარღვევის შემთხვევაში, კომპანია უფლებამოსილია დაუყოვნებლივ დაბლოკოს ან წაშალოს მომხმარებლის ალტერნატიული პროფილი (ანგარიში).

6. თქვენ ვალდებული ხართ, უზრუნველყოთ თქვენს პირად ანგარიშზე (პროფილზე) არსებული ინფორმაციის სიზუსტე და მისი განახლება. კომპანია არ იქნება პასუხისმგებელი თქვენ მიერ აღნიშნული ვალდებულების შეუსრულებლობით გამოწვეულ რაიმე სახის ზიანზე.

7. უსაფრთხოდ შეინახეთ თქვენი პირადი ანგარიშის (პროფილის) წვდომის კოდები და არასდროს გაუმჟღავნოთ ისინი მესამე პირებს. ამასთან, უსაფრთხოებიდან გამომდინარე გირჩევთ შეარჩიოთ რთული პაროლი და პერიოდულად განაახლოთ.

8. თქვენ პასუხისმგებლობას იღებთ თქვენი ანგარიშით განხორციელებულ ნებისმიერ ქმედებაზე. კომპანია არ არის პასუხისმგებელი მესამე პირის მიერ თქვენს ანგარიშზე უნებართვო ან თქვენი ნებართვით განხორციელებული წვდომისას დამდგარ ზიანზე.

9. ანგარიშის დეტალების უსაფრთხო შენახვაზე პასუხისმგებლობა გეკისრებათ თქვენ. იმ შემთხვევაში თუ თქვენ გაქვთ ეჭვი, რომ მესამე პირს აქვს თქვენი ანგარიშის დეტალები, დაუყონებლივ შეცვალეთ იგი ან დაგვიკავშირდით.

4.2. ანგარიშის (პროფილის) დახურვა

1. თქვენ (მომხმარებელი) უფლებამოსილი ხართ ნებისმიერ დროს კომპანიის პლატფორმაზე მომხმარებლის რეგისტრირებული ელ-ფოსტიდან კომპანიის ელექტრონულ ფოსტის მისამართზე (იხ. პლატფორმის საკომუნიკაციო არხები) წერილობითი მიმართვით მოითხოვოთ თქვენი ანგარიშის (პროფილის) დახურვა.

2. ანგარიშის (პროფილის) დახურვის მოთხოვნამდე დარწმუნდით, რომ ყველა თქვენი ვალდებულება შესრულებულია და არ გიფიქსირდებათ მიმდინარე დავალიანება ან ვალდებულება მასპინძლის/კომპანიის მიმართ.

3. თქვენი მომართვის დაფიქსირებიდან 10 სამუშაო დღის ვადაში ჩვენ მოვახდენთ თქვენი მოთხოვნის შესრულებას - თქვენი ანგარიშის (პროფილის) დახურვას.

4.3. დახურულ ანგარიშზე არსებული პერსონალური მონაცემების რეგულირება

1. თქვენი პერსონალური მონაცემების წაშლის უფლება განისაზღვრება პერსონალურ მონაცემების დაცვის შესახებ საქართველოს მოქმედი კანონით.

2. კომპანია ახდენს თქვენი პერსონალური მონაცემების წაშლას. თქვენი მხრივ, თქვენ უნდა გაასუფთაოთ ქეში, ქუქი ფაილები და ისტორია თითოეული ბრაუზერისგან, რომელიც გამოიყენეთ პლატფორმაზე შესასვლელად.

3. ანგარიშის (პროფილის) დახურვის შესახებ თქვენ კომპანიისგან მიიღებთ შესაბამის შეტყობინებას.

4.4. ანგარიშის (პროფილის) დახურვისა და პერსონალური მონაცემების წაშლის საგამონაკლისო შემთხვევები

1. ჩვენ არ შეგვიძლია დავხუროთ ან წავშალოთ თქვენი ანგარიში/მონაცემები თუ:

   • თქვენ გიფიქსირდებათ მიმდინარე ვალდებულება/დავალიანება კომპანიის/მასპინძლის მიმართ;

   • ანგარიშთან დაკავშირებული მონაცემები საჭიროა თაღლითური ან უკანონო ქმედებების გამოვლენის/თავიდან აცილების/შემსუბუქების ან გამოძიების მიზნით;

   • ანგარიშთან დაკავშირებული მონაცემები საჭიროა ჩვენთვის რელევანტური კანონებისა და რეგულაციების შესასრულებლად;

   • ანგარიშთან დაკავშირებული მონაცემები საჭიროა საჩივრებზე რეაგირების მოსახდენად და მათი მოგვარების გზების მოსაძიებლად;

   • არსებობს ბრძანება/განკარგულება/გადაწყვეტილება შესაბამისი უფლებამოსილი ორგანოს მხრიდან ანგარიშთან დაკავშირებული მონაცემების შენარჩუნება/შენახვაზე.

2. თუ თქვენი მონაცემების წაშლას ვერ განვახორციელებთ რაიმე სახის მიზეზით, იგი შენარჩუნებული იქნება ჩვენი პერსონალური მონაცემების დამუშავების პოლიტიკის შესაბამისად.

5. საფასურები, გადახდები და გადასახადები

1. კომპანიამ შეიძლება დააწესოს მომსახურების საფასური (საკომისიო) მასპინძლებისთვის ან/და სტუმრებისთვის პლატფორმის გამოყენების სანაცვლოდ. ნებისმიერი მოქმედი საფასური ნათლად იქნება მითითებული განცხადების განთავსების ან დაჯავშნის პროცესში.

2. გადახდის დამუშავების დეტალური პირობები (მიღების დრო, მეთოდები, ვალუტა) აღწერილი იქნება პლატფორმაზე ან ცალკე გადახდის პოლიტიკაში.

3. გადასახადები: მასპინძლები ერთპიროვნულად არიან პასუხისმგებელნი ყველა იმ გადასახადის (მათ შორის, დამატებითი ღირებულების გადასახადი, სასტუმროს მოსაკრებელი, საშემოსავლო გადასახადი) განსაზღვრაზე, დარიცხვაზე, შეგროვებასა და შესაბამის საგადასახადო ორგანოებში გადარიცხვაზე, რომელიც დაკავშირებულია მათ განცხადებებთან და შემოსავალთან.

4. მომხმარებლებმა პლატფორმის მეშვეობით ორგანიზებულ სტუმრობასთან დაკავშირებული ყველა დაჯავშნისა და გადახდის აქტივობა უნდა განახორციელონ ექსკლუზიურად თავად პლატფორმის მეშვეობით.

5. დაჯავშნაში ცვლილებები, რომლებიც გავლენას ახდენს ღირებულებაზე (მაგ., თარიღების, სტუმრების რაოდენობის, შინაური ცხოველების ცვლილება), უნდა დამუშავდეს და ნებისმიერი შესაბამისი გადახდა უნდა შეგროვდეს პლატფორმის მიერ განსაზღვრული მოდიფიკაციის ინსტრუმენტების გამოყენებით, სადაც ეს შესაძლებელია.

6. დაჯავშნის ცვლილებები, გაუქმება და თანხის დაბრუნება

1. მასპინძლები და სტუმრები პასუხისმგებელნი არიან დაჯავშნის ნებისმიერ ცვლილებაზე, რომელსაც ისინი ახორციელებენ პლატფორმის მეშვეობით და თანხმდებიან გადაიხადონ ნებისმიერი დამატებითი საფასური, რომელიც დაკავშირებულია ასეთ ცვლილებებთან.

2. გაუქმებისა და თანხის დაბრუნების პოლიტიკა (რომელიც შეიძლება დადგინდეს მასპინძლის ან პლატფორმის მიერ) ნათლად იქნება მითითებული განცხადებაში და დაჯავშნის პროცესში.

7. აკრძალული ქმედებები, სანქციები და ინტელექტუალური საკუთრება

7.1. აკრძალული ქმედებები

პლატფორმაზე მკაცრად აკრძალულია შემდეგი ქმედებების განხორციელება:

1. პლატფორმის არაავტორიზებული გამოყენება, მათ შორის ტექნიკური მანიპულაციები.

2. არაკეთილსინდისიერი ქცევა და შეურაცხმყოფელი კონტენტის განთავსება.

3. შეფასებების მანიპულაცია ან ყალბი შეფასებების შექმნა.

4. პლატფორმის გარეთ დაჯავშნის ან გადახდის წახალისება.

5. მესამე პირის პერსონალური მონაცემების არასანქცირებული შეგროვება ან გამოყენება.

6. ავტომატიზირებული სკრიპტების, ბოტების ან სხვა ტექნოლოგიების გამოყენება პლატფორმაზე წვდომისთვის.

7. პლატფორმის შინაარსის არასანქცირებული კოპირება, გავრცელება ან რეპროდუქცია.

8. პლატფორმის ან სხვა მომხმარებლების მიმართ თაღლითური ქმედებების განხორციელება.

7.2. ინტელექტურლური საკუთრება

1. პლატფორმაზე/ვებ-გვერდზე, მის შინაარსზე, სტრუქტურასა და დიზაინზე სრულად ვრცელდება კომპანიის ინტელექტუალურ საკუთრებასთან დაკავშირებული უფლებები. კომპანიის განსაკუთრებული უფლებები ვრცელდება ასევე კომპანიის მიერ შექმნილ და რეგისტრირებულ ინტელექტუალური საკუთრების ნებისმიერ ობიექტზე, მათ შორის და არამხოლოდ მის კუთვნილ სასაქონლო ნიშნებზე, ნაწარმოებებზე, დიზაინზე.

2. კომპანიის საავტორო (©) და სხვა ინტელექტუალური საკუთრების უფლებები ვრცელდება წინამდებარე პლატფორმასა და მასზე არსებულ მთელ შინაარსზე.

3. აკრძალულია წინამდებარე პლატფორმაზე/ვებ-გვერდზე მითითებული ნებისმიერი ინფორმაციის/შინაარსის, მათ შორის ლოგო, პიქტოგრამა, გრაფიკა, სურათი, გამოსახულება, პატენტი, მომსახურების/სასაქონლო ნიშნები, დიზაინი, განცხადების/პროდუქტის/სერვისის კონტენტი/აღწერა, კომპანიის მიერ შექმნილი ვიზუალური მედია, ვებგვერდის/პლატფორმის დიზაინის, პროგრამული უზრუნველყოფის ნაკრების, ძირითად პროგრამული კოდების, პროგრამული უზრუნველყოფისა და სხვა ინტელექტუალური საკუთრების (რეგისტრირებული, ან არარეგისტრირებული) უნებართვო გამოყენება, დამუშავება ან/და გამოქვეყნება (მათ შორის სოციალურ მედიაში) კომპანიის წინასწარი წერილობითი თანხმობის გარეშე.

7.3. აკრძალული ოპერაციების განხორციელების შედეგები და კომპანიის უფლებები

1. კომპანია უფლებას იტოვებს, საკუთარი დისკრეციული უფლებამოსილების ფარგლებში, გაზარდოს ან შეამციროს აღნიშნული აკრძალული ოპერაციების კატეგორიები.

2. იმ შემთხვევაში, თუ თქვენ განახორციელებთ, ან შეეცდებით განახორციელოთ ოპერაცია/ქმედება აკრძალული ქმედებების დარღვევით, კომპანია უფლებას იტოვებს:

   • შეწყვიტოს ან შეაჩეროს თქვენ მიერ განხორციელებული ოპერაცია/ტრანზაქცია/განცხადება ან/და

   • აცნობოს სამართალდამცავ ორგანოებს განხორციელებული ოპერაციის შესახებ ან/და

   • შეწყვიტოს წინამდებარე ხელშეკრულება და მხარეთა შორის არსებული დამატებითი შეთანხმება (ასეთის არსებობის შემთხვევაში) ან/და

   • დაბლოკოს/წაშალოს პლატფორმაზე არსებული თქვენი ანგარიში (პროფილი) ან/და

   • მოითხოვოს დამდგარი ზიანის ანაზღაურება.

3. კომპანია უფლებამოსილია, ნებისმიერ დროს, დაუყოვნებლივ და კომპანიის ყოველგვარი პასუხისმგებლობის გამორიცხვით, ცალმხრივად, შეწყვიტოს წინამდებარე ხელშეკრულება, იმ შემთხვევაში თუ თქვენ დაარღვევთ ამ წესების და პირობებით განსაზღვრულ წესებს.

8. პასუხისმგებლობის შეზღუდვა

პლატფორმის პასუხისმგებლობის შეზღუდვა

თქვენ აცნობიერებთ და ეთანხმებით, რომ მოქმედი კანონმდებლობით დაშვებული მაქსიმალური ზომით, კომპანია, მისი შვილობილი კომპანიები, თანამდებობის პირები, დირექტორები, თანამშრომლები, აგენტები და ლიცენზიარები არ იქნებიან პასუხისმგებელნი ნებისმიერ პირდაპირ, არაპირდაპირ, შემთხვევით, სპეციალურ, სადამსჯელო ან თანმდევ ზიანზე, მათ შორის მოგების დაკარგვაზე, მონაცემების დაკარგვაზე, გამოყენების შესაძლებლობის დაკარგვაზე, რეპუტაციის შელახვაზე ან სხვა არამატერიალურ ზარალზე, რომელიც წარმოიშობა:

(I) თქვენი წვდომიდან ან პლატფორმის გამოყენებიდან, ან წვდომის ან გამოყენების შეუძლებლობიდან;

(II) ნებისმიერი მომხმარებლის (მასპინძლის ან სტუმრის) ქცევიდან ან კონტენტიდან პლატფორმაზე;

(III) ნებისმიერი განცხადებიდან ან მასპინძლის მომსახურებიდან, მათ შორის საცხოვრებელში ყოფნასთან ან მასპინძლის მომსახურებაში მონაწილეობასთან დაკავშირებული ნებისმიერი სახის დაზიანება, ზარალი ან ზიანი (პირდაპირი, შემთხვევითი, თანმდევი თუ სხვა);

(IV) ნებისმიერი კონტენტიდან, რომელიც მიღებულია პლატფორმის მეშვეობით;

(V) თქვენი კომუნიკაციებიდან, ურთიერთობებიდან ან შეხვედრებიდან სხვა მომხმარებლებთან ან პირებთან, რომლებთანაც თქვენ ურთიერთობთ პლატფორმის გამოყენების შედეგად;

(VI) თქვენი კონტენტის არასანქცირებული წვდომიდან, გამოყენებიდან ან შეცვლიდან.

კომპანია მოქმედებს მხოლოდ როგორც შუალედური მომსახურების მიმწოდებელი და არ არის მხარე მასპინძლებსა და სტუმრებს შორის დადებულ ხელშეკრულებებში. შესაბამისად, კომპანია არ არის პასუხისმგებელი მომხმარებლების ქმედებებზე ან უმოქმედობაზე, ან რაიმე განცხადების მდგომარეობაზე, კანონიერებასა თუ ვარგისიანობაზე.

იმ შემთხვევაშიც კი, თუ კომპანია ინფორმირებული იყო ასეთი ზიანის შესაძლებლობის შესახებ, კომპანიის საერთო პასუხისმგებლობა თქვენს წინაშე არავითარ შემთხვევაში არ უნდა აღემატებოდეს იმ თანხას, რომელიც თქვენ გადაუხადეთ კომპანიას ბოლო 6 თვის განმავლობაში იმ მოვლენამდე, რომელმაც გამოიწვია პასუხისმგებლობა, ან 500 ლარს, თუ თქვენ არ განგიხორციელებიათ ასეთი გადახდები.

9. მარეგულირებელი კანონმდებლობა და დავების გადაწყვეტის წესი

1. წინამდებარე პირობები რეგულირდება და განიმარტება საქართველოს კანონმდებლობის შესაბამისად.

2. მხარეები თანხმდებიან, რომ პირველ რიგში შეეცდებიან ნებისმიერი დავის ან უთანხმოების გადაჭრას, რომელიც წარმოიშობა ამ პირობებთან ან პლატფორმის გამოყენებასთან დაკავშირებით, კეთილსინდისიერი არაფორმალური მოლაპარაკებების გზით მინიმუმ 30 დღის განმავლობაში, სანამ მიმართავენ ფორმალურ სამართლებრივ პროცედურებს.

3. მხარეთა შორის წინამდებარე ხელშეკრულებიდან გამომდინარე ყველა დავა და უთანხმოება, რომელიც ვერ გადაწყდება ურთიერთმოლაპარაკების გზით, განიხილავს ქ. თბილისის საქალაქო სასამართლო.

10. ცვლილებების შეტანა

1. კომპანია უფლებამოსილია ნებისმიერ დროს ცალმხრივად, პლატფორმაზე გამოქვეყნების გზით, შეიტანოს ცვლილებები წესებში და პირობებში/დაბრუნების პოლიტიკაში და კონფიდენციალურობის პოლიტიკაში მომხმარებლის შემდგომი დამატებითი თანხმობის გარეშე. ზემოთხსენებული ცვლილების შემდეგ პლატფორმის და მომსახურების გამოყენების გაგრძელება ჩაითვლება თქვენი მხრიდან ცვლილებებზე თანხმობად.

2. კომპანია არსებითი ცვლილებების შესახებ შეატყობინებს მომხმარებლებს ელექტრონული ფოსტით, პლატფორმის მეშვეობით შეტყობინებებით ან სხვა საკონტაქტო მეთოდით, ცვლილებების ძალაში შესვლამდე სულ მცირე 30 დღით ადრე.

3. თუ არ ეთანხმებით ჩვენს წესებს ან აღარ გსურთ ჩვენი პლატფორმით სარგებლობა, თქვენ, ნებისმიერ დროს შეგიძლიათ მოითხოვოთ თქვენი პროფილის (ანგარიშის) გაუქმება.

11. კონფიდენციალობის პოლიტიკა

1. გთხოვთ, ყურადღებით გაეცნოთ კონფიდენციალურობის პოლიტიკას ჩვენს პლატფორმაზე: ipovesastumro.ge. შესვლითა და პლატფორმის სარგებლობით თქვენ ადასტურებთ, რომ გაეცანით და ეთანხმებით კონფიდენციალურობის პოლიტიკას და ჩვენი პლატფორმის სარგებლობის ყველა პირობას.

2. კონფიდენციალურობის პოლიტიკა ეხება თქვენი პერსონალური მონაცემების კომპანიის მიერ დამუშავების წესს.

3. კომპანია მაქსიმალურად ზრუნავს თქვენი პერსონალური მონაცემების უსაფრთხოებასა და გაუმჟღავნებლობაზე.

12. თაღლითობის/საეჭვო შემთხვევის დაფიქსირების წესი

1. კომპანიის პლატფორმაზე უჩვეულო ან საეჭვო ტრანზაქციების დაფიქსირების შემთხვევაში გთხოვთ, დაუკავშირდეთ კომპანიის კლიენტთა მომსახურების ცენტრს ან მიმართოთ კომპანიას ელექტრონული შეტყობინების გზით საკონტაქტო ინფორმაციის თავში მითითებულ საკომუნიკაციო არხებზე.

2. თუ თქვენ მიგაჩნიათ, რომ თქვენს პირად ანგარიშზე შესასვლელი ინფორმაცია, პაროლი ან უსაფრთხოების სხვა წვდომის კოდ(ებ)ი ან საშუალებები იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული, დაუყოვნებლივ დაუკავშირდით კომპანიის კლიენტთა მომსახურების ცენტრს.

13. ტერმინთა განმარტება

წესებში და პირობებში გამოყენებულ ტერმინებს და განმარტებებს აქვთ ქვემოთ განსაზღვრული მნიშვნელობა, გარდა იმ შემთხვევებისა, თუ კონტექსტიდან აშკარად სხვა რამ არ გამომდინარეობს:

პროფილი (პირადი ანგარიში) - ნიშნავს მომხმარებლის მიერ პლატფორმაზე რეგისტრირებულ ანგარიშს.

ავტორიზაცია - ნიშნავს მომხმარებლის მიერ პირად ანგარიშზე წინამდებარე წესებით და პირობებით განსაზღვრულ წვდომას.

პლატფორმა - კომპანიის მიერ ოპერირებადი პლატფორმა, რომელიც ყოველგვარი შეზღუდვის გარეშე მოიცავს კომპანიის ვებგვერდს ან/და ხელმისაწვდომ ყველა სხვა ალტერნატიულ არხსა და მასთან დაკავშირებულ მომსახურებებს.

ვებგვერდი - ნიშნავს კომპანიის კუთვნილ/სარგებლობაში არსებულ ვებგვერდს: ipovesastumro.ge.

კომპანია - ნიშნავს შპს „ჰორაიზონ ენჯინს".

მომხმარებელი - ნებისმიერი ფიზიკური პირი, რომელსაც კომპანიის პლატფორმის სერვისების გამოყენებით სთავაზობენ მომსახურებას ან რომელიც პლატფორმის მეშვეობით იძენს ან შემდგომ იყენებს მომსახურებას უპირატესად პირადი მოხმარების მიზნით და არა სავაჭრო, სამეწარმეო, სახელობო ან სხვა პროფესიული საქმიანობის განსახორციელებლად.

სტუმარი - მომხმარებელი, რომელიც ეძებს ან ჯავშნის საცხოვრებელს პლატფორმის მეშვეობით.

მასპინძელი - მომხმარებელი (ფიზიკური ან იურიდიული პირი), რომელიც ქმნის და მართავს განცხადებებს საცხოვრებლის შესახებ პლატფორმაზე.

განცხადება - მასპინძლის მიერ პლატფორმაზე განთავსებული საცხოვრებლის შეთავაზება.

დაჯავშნა - სტუმრის მიერ მასპინძლის განცხადებაზე დათანხმება პლატფორმის მეშვეობით.

კონტენტი - ტექსტი, გრაფიკა, სურათები, მუსიკა, პროგრამული უზრუნველყოფა, აუდიო, ვიდეო, ინფორმაცია ან სხვა მასალები, მათ შორის მომხმარებლის მიერ გენერირებული კონტენტი.

საკომისიო/მომსახურების საფასური - პლატფორმის მიერ მომსახურებისთვის დაწესებული გადასახადი.

მომსახურება - პლატფორმის მიერ შეთავაზებული ყველა სერვისი.

ოპერაცია - მომხმარებლის მიერ მისი პროფილის (პირადი ანგარიშის) გამოყენებით ან მის პროფილთან (პირად ანგარიშთან) ან/და სერვისებთან დაკავშირებით განხორციელებული ნებისმიერი ოპერაცია/ტრანზაქცია/ქმედება.

წვდომის კოდ(ებ)ი - კოდები, პაროლები, მომხმარებლის სახელი, საიდენტიფიკაციო კოდი, უნივერსალური იდენტიფიკატორები და/ან სხვა სახის კონფიდენციალური ინფორმაცია, რომელიც კომპანიამ შესაძლოა მიაწოდოს მომხმარებელს სხვადასხვა სერვისთან წვდომისათვის.

წესები და პირობები/ხელშეკრულება - მომხმარებლის მიერ წინამდებარე წესების და პირობების დადასტურების შედეგად მომხმარებელსა და კომპანიას შორის გაფორმებული ეს ხელშეკრულება.