კონტენტზე გადასვლა

სამეგრელო საქართველოს ისტორიული კუთხეა, უმშვენიერესი ადმინისტრაციული ცენტრი – ზუგდიდით. საუკუნეების განმავლობაში ოდიშის სამთავროდ წოდებული სამეგრელო მდიდარია კულტურითა და ტრადიციებით, უძველესი ნაქალაქარებით და შუა საუკუნეების ციხე-სიმაგრეებით, ხელუხლებელი ლანდშაფტებითა და ეგზოტიკური მცენარეული საფარით.

სამეგრელოს ღირსშესანიშნაობები

ბუნების ძეგლები

ანაკლია

ანაკლია ზღვისპირა კურორტია სამეგრელოში, ქვიშიანი სანაპიროებით და პალმების ხეივნებით. ზაფხულში ანაკლიაში გახსნილია აკვაპარკი წყლის ატრაქციონებით, სანაპიროზე ჩამწკრივებული ბარებითა და კომფორტული სასტუმროებით.

ანაკლია - Anaklia.

ფოთი

ფოთი საინტერესო არქიტექტურის მქონე ქალაქია შავი ზღვის სანაპიროზე. აქ დღემდე შემორჩენილია საკმაოდ მრავალფეროვანი, რელიქტური და ენდემური სახეობები. ფოთის კულტურული მემკვიდრეობის გამორჩეული ძეგლებია: ღვთიმშობლის შობის სახელობის საკათედრო ტაძარი, ნიკო ნიკოლაძის კოშკი, კოლხური კულტურის მუზეუმი და სხვა.

ფოთის საკათედრო ტაძარი - Poti St. Virgin Cathedral.

ლებარდე

ლებარდე მთის კლიმატურ-ბალნეოლოგიური კურორტია მარტვილის მუნიციპალიტეტში. კურორტის სამკურნალო ფაქტორებია მინერალური წყლები და მთის კლიმატი. ტყის პირას მოწყობილია პატარა კოტეჯები ტურისტებისთვის. იდეალურია ლაშქრობის მოყვარულთათვის.

ლებარდე - Lebarde.

სენაკი

სენაკი სამეგრელოს შუაგულში მდებარეობს, მდინარე ტეხურის მარჯვენა ნაპირზე. ქალაქს შუაში კვეთს პატარა მდინარე ფიცუ. სენაკის მთავარი ღირსშესანიშნაობებია ნოქალაქევი, ნოსირის აბანო, ციხეგოჯი, გოგირდოვანი წყლები და სხვა.

სენაკი - Senaki.

ხობი

ქალაქი ხობი კოლხეთის დაბლობზე, მდინარე ხობისწყლის ნაპირზეა გაშენებული. ხობში მდებარეობს ულამაზესი ტბა, პაპანწყვილი. ქალაქში რამდენიმე მნიშვნელოვანი ძეგლია - ხეთის ციხე-სიიმაგრე, ხობის საეკლესიო კომპლექსი და სამების ეკლესია.

ხობი - Khobi.

ხშირად დასმული კითხვები

რომელი მხარეები ესაზღვრება სამეგრელოს?

სამეგრელოს ჩრდილოეთით ესაზღვრება აფხაზეთი და სვანეთი, აღმოსავლეთით იმერეთი, ხოლო სამხრეთით – გურია.

როგორია სამეგრელოს ჰავა?

სამეგრელოში ზღვის ნოტიო სუბტროპიკული ჰავაა გავრცელებული. ვაკე-დაბლობი გამოირჩევა ნოტიო, თბილი ჰავით, უთოვლო ზამთრითა და ცხელი ზაფხულით. საშუალო და მაღალმთიანი ზოლისთვის დამახასიათებელია ზომიერად ცივი ჰავა თოვლიანი ზამთრითა და ხანმოკლე ზაფხულით.