უწერა რაჭის ულამაზესი სოფელია, რომელიც ნებისმიერ სეზონზე, ტურისტულად აქტიურია. უწერის მთავარი ხიბლი, სუბალპური ბუნება და ულამაზესი ტყეებია, რომელიც განსაკუთრებით ფერადი, შემოდგომობითაა. ტყეებით დაფარულ მთებთან ერთად, უწერა გასაოცარი მწვერვალების ხედებითა და სამკურნალო თვისებების მქონე ჰავით გამოირჩევა.
უწერას ღირსშესანიშნაობები
რა ვნახოთ უწერაში?
ტურისტებისთვის ყველაზე მიმზიდველი ღირსშესანიშნაობები, უწერაში მდებარე ბუნების ძეგლებია, რომლებიც ლაშქრობისთვის და მთაში დასვენებისთვის იდეალური არჩევანია. სუფთა ჰაერი, გასაოცარი ბუნება, ფერადი ტყეები და მშვიდი გარემო, აქტიურად იზიდავს ქართველ თუ უცხოელ ტურისტებს. განსაკუთრებული პოპულარობით სარგებლობს ისეთი ბუნების ძეგლები, როგორიცაა უძირო ტბა და სასვანოს ტბები.
უწერასთან ახლოს, მდებარეობს რამდენიმე ისტორიულად მნიშვნელოვანი კულტურული ძეგლი, რომლებიც იდეალურია რათა გაიცნოთ როგორც უწერისა და ონის მუნიციპალიტეტის, ასევე სრულიად რაჭის უძველესი ისტორია. ამ მიზნით, ტურისტები ხშირად სტუმრობენ ონის მუზეუმსა და მრავალძალის ეკლესიას. შესაბამისად, გსურთ კლიმატოთერაპია, გიყვართ ექსტრემალური თავგადასავლები თუ უძველესი ღირსშესანიშნაობების მონახულება, უწერა ამისთვის შესანიშნავი ადგილია.
ონის სინაგოგა
უწერასთან ახლოს მდებარეობს ონის სინაგოგა, რომელიც უნიკალური არქიტექტურული ძეგლია, გამორჩეული ორიგინალური ჩუქურთმებითა და მასიური გუმბათით, რომელიც მნახველებში გასაოცარ შთაბეჭდილებებს ტოვებს.
უძირო ტბა
თუ ლაშქრობა ან პიკნიკი გსურთ რომ დაგეგმოთ, უძირო ტბა ამისთვის იდეალური ადგილია. ეს არის მწვანე მდელოზე წარმოქმნლი მცირე ზომის ტბა, საოცარი სარკისებული ეფექტით და ულამაზესი ხედებით თოვლიან მწვერვალებზე.
სასვანოს ტბები
სასვანოს ტბები ერთ-ერთი გამორჩეული მარშრუტია მოლაშქრეებისთვის, და არა მარტო. ულამაზესი ტბები სუბალპური ფლორითა და გასაოცარი მდებარეობით გამოირჩევა. ტბებს ირგვლივ მყინვარები აკრავს, რაც კიდევ უფრო შთამბეჭდავ სანახაობას ქმნის.
მყინვარი ბუბა
მყინვარი ბუბა რელიეფის სირთულით გამოირჩევა და მიკუთვნებულია, ხეობის რთული ტიპის მყინვარებს. შესაბამისად, მოლაშქრეებისთვის ის ერთგვარი გამოწვევაა, განსხვავებული ფერდებით, დიდი ფართობითა და არაერთგვაროვანი რელიფით.
ჭიორა გლოლა
ჭიორა გლოლა უწერასთან მდებარე გასაოცარი ადგილია, რომელიც განსაკუთრებით მოლაშქრეებს დააინტერესებთ. ულამაზესი, ფერადი ტყეები და მარტივი რელიეფი ასევე კარგია დასაბანაკებლად ან პიკნიკის მოსაწყობად.
შქმერი
შქმერი უწერასთან ახლოს მდებარეობს და გამოირჩევა ულამაზესი ბუნების ძეგლებით. ადგილი აერთიანებს მდინარე ხეორის კანიონსა და მდინარე ხეორს სადაც იდეალურადაა წარმოჩენილი სუბალპური ბუნება. კანიონს ადგილობრივები ბრმა ხეობასაც უწოდებენ
ონის მუზეუმი
უწერასთან ახლოს მდებარე ონის მუზეუმი იდეალური ადგილია იმისთვის, რომ უფრო დეტალურად გაეცნოთ რაჭის ისტორიული მხარის უძველეს ისტორიას და ამასთანავე მოინახულოთ უძველესი არქეოლოგიური გათხრების შედეგად ნაპოვნი ნივთები.
მრავალძალის ეკლესია
მრავალძალის ეკლესია არა მარტო უწერის, არამედ სრულიად რაჭის, ერთ-ერთი უძველესი კულტურული ძეგლია, რომელიც შუა საუკუნეებშია აშენებული. გამოირჩევა სადა და დახვეწილი ფასადით, უნიკალური ჩუქურთმებითა და ხატწერის ნიმუშებით. ამასთან, ეკლესიიდან ულამაზესი ხედი იშლება, რაჭისა და სვანეთის მთებზე, რომელიც კიდევ უფრო გასაოცარ სანახაობას ქმნის.
