სასტუმრო რუმსი
სასტუმროების ქსელი რუმსი წარმატებული ქართული ბრენდია, რომლის სათავეში დამფუძნებელი თემურ უგულავა დგას. როგორც ბრენდი აცხადებს, რომ მათი მიზაინია ინოვაციისა და ქართული ტრადიციული ელემენტების შერწყმით შექმნას ვიზიტორებისთვის სასიამოვნო დასვენების ყველა პირობა და მაქსიმალური კომფორტი.
რუმსის შესახებ
მიუხედავად იმისა, რომ ბრენდი არც ისე დიდი ხანია ბაზარზე ოპერირებს, მიაღწია საკმაოდ დიდ წარმატებას და დღეს, რუმსის სასტუმროები უკვე განთავსებულია ყაზბეგში, ბაკურიანსა და თბილისში. აქვე უნდა აღინიშნოს ისიც რომ უახლოეს მომავალში სასტუმროთა ქსელს შეემატება ახალი რუმს ბათუმი, რომელიც ზღვის სანაპიროსთან ახლოს, ბათუმის ისტორიულ ნაწილში შეძლებს ვიზიტორების გამასპინძლებას.
სასტუმრო რუმსის მთავარი დევიზი ქართული სტუმართმოყვარეობის პრინციპებზე დაფუძნებული სერვისია. სწორედ ამიტომ კომპანიის თითოეულ სასტუმროში შეხვდებით უნიკალურ გარემოს, შეძლებთ ახლოს გაიცნოთ ადგილობრივი ტრადიციული კულტურა და ამასთან მიიღოთ უმაღლესი დონის მომსახურება, რადგან სასტუმროების ქსელის რუმსის ყველა სასტუმროს მინიჭებული აქვს 5 ვარსკვლავი.
მდებარეობა
რუმსის სასტუმროები განთავსებულია თბილისში, სტეფანწმინდასა და ბაკურიანში. თითოეული სასტუმროს მდებარეობა გამორჩეულია ლამაზი ხედებისა და მისასვლელად მოსახერხებელი ადგილმდებარეობის გამო.
Rooms Tbilisi
რუმს თბილისი მდებარეობს დედაქალაქის ერთ-ერთ ცენტრალურ ქუჩაზე. კოსტავას 14 ნომერში მდებარე სასტუმროდან გასაოცარი ხედები იშლება თბილისზე და ამასთან, საკმაოდ კომფორტულია იმისთვის, რომ მარტივად და მოკლე დროში მოინახულოთ თბილისის სხვადასხვა ღირსშესანიშნაობა. მათ შორის ფილარმონიის საკონცერტო დარბაზი, ქიაჩელის ბაღი და რუსთაველის ქუჩა ულამაზესი ქაშვეთის ეკლესიით, ისტორიული პარლამენტითა და კლასიკური გიმნაზიით.
Rooms Kazbegi
სასტუმრო რუმსს ყაზბეგში, მისი მდებაროების გამორჩეულობა არის ის რომ მოქცეულია სტეფანწმინდის გასაოცარ მთებს და ბუნებას შორის, რაც ვიზიტორებს საშუალებას აძლევს ნებისმიერი ნომრიდან თუ მოსასვენებელი სივრციდან ისიამოვნოს საუცხოო ბუნების ხედებით. სასტუმრო გორგასლის ქუჩაზე მდებარეობს.
Rooms Bakuriani
მოსახერხებელი ადგილმდებარეობაა შერჩეული რუმს ბაკურიანისთვის. აქ მთავარი აქცენტი გაკეთებულია ბაკურიანის სავიზიტო ბარათზე – ზამთრის სპორტზე. სასტუმრო ახლოს მდებარეობს კურორტის ერთ-ერთ სათხილამურო ტრასასთან და მოქცეულია ბაკურიანის ულამაზეს მთებს შორის, რომელიც ულამაზეს ხედებს ქმნის, ნებისმიერ სეზონზე სასტუმროს ფანჯრებიდან.
დიზაინი
კომპანია რუმსი დიდ პრიორიტეტს ანიჭებს დიზაინის. ისინი ქმნიან ორიგინალურ და გამორჩეულ დიზაინს, რომელიც ერთდროულად გამოკვეთს ქართულ კულტურას, თანამედროვე არქიტექტურას და ამასთან შეესაბამება იმ ადგილობრივ ესთეტიკას, სადაც სასტუმროა განთავსებული.
რუმსი ბაკურიანის დიზაინი გამოირჩევა ხის ელემენტების სიჭარბით, რაც გამომდინარეობს იქედან რომ ბაკურიანი ცნობილი ზამთრის კურორტია და თოვლიან პეიზაჟთან ერთად ხის ინტერიერი მეტ სიმყუდროვეს და თბილ ატმოსფეროს ქმნის. ბაკურიანი რუმსში აქცენტი გაკეთებულია მუქ ფერებზე და კოტეჯის ტიპის ინტერიერზე, რაც იდეალურად უხდება სუსხიან ზამთარს და ქმნის საოცარ ატმოსფეროს სასტუმროში.
მსგავსი ინტერიერი გვხვდება რუმს ყაზბეგშიც, სადაც ნათელი ხის მასალა და სიმყუდროვის შესაქმნელად თბილი ფერების პალიტრაა გამოყენებული. იდეალური ადგილმდებარეობის კიდევ უფრო წარმოსაჩენად, სასტუმროში აქცენტი გამჭირვალე კედლებზეა გაკეთებული რათა უფრო კარგად გამოჩნდეს კავკასიონის პანორამული ხედები.
სრულიად განსხვავებული დიზაინია გამოყენებული სასტუმრო რუმს თბილისში. აქ დიზაინი შთაგონებულია ძველი თბილისისთვის დამახასიათებელი კულტურით რომელიც გამოირჩეოდა ფერადი ინტერიერით, ქართული ორნამენტების სიხშირით და მყუდრო გარემოს შექმნის ტენდენციით. გამჭირვალე, დახურული ტერასა, მცენარეები და ჭრელი დეკორაციები ორიგინალურ და საინტერესო გარემოს ქმნის სასტუმროში, რაც ნებისმიერ მნახველში დაუვიწყარ შთაბეჭდილებებს იწვევს.
სერვისები და ობიექტები
სასტუმრო რუმსის გუნდი ცდილობს მაქსიმალური კომფორტი შეუქმნას ნებისმიერ ვიზიტორს და შესთავაზოს უმაღლესი დონის მომსახურება და მრავალფეროვანი სერვისები რათა დრო საინტერესოდ გაატარონ. ამასთან სასტუმრო ითვალისწინებს ვიზიტის შესაძლო მიზეზებსაც და მათ ვინც რუმსის ნებისმიერ სასტუმროს საქმიანი ვიზიტის ფარგლებში სტუმრობს, სთავაზობს ე.წ ბიზნეს ცენტრს, რომელიც მოიცავს შეხვედრებისთვის სპეციალურად გამოყოფილ სივრცეს და ყველა საჭირო ინვენტარით უზრუნველყოფას.
გართობისთვის და დასვენებისთვის კი სასტუმროთა ქსელი რუმსი განსხვავებულ სერვისებს გთავაზობთ. მაგალითად თუ რუმს ყაზბეგში ისვენებთ, შეგიძლიათ შიდა აუზს ესტუმროთ, საიდანაც გასაოცარი ხედი იშლება კავკასიონის მთებზე. ამავე სასტუმროში ხელმისაწვდომია სპა ცენტრი სადაც შეძლებთ დაისვენოთ და განიტვირთოთ ფიზიკურად. აქტიური რუტინის მოყვარულებს კი რუმს თბილისსა და რუმს ყაზბეგში შეგიძლიათ ფიტნეს ცენტრებს ესტუმროთ.
მათ ვინც რუმს ბაკურიანში დასვენებას გადაწყვეტთ, ასევე შეგიძლიათ სრიალისთვის სასტუმროს მიერ შემოთავაზებული ინვენტარით ისარგებლოთ, სადაც ყველა საჭირო ინვენტარი დაგხვდებათ ზამთრის სპორტული თავგადასავლებისთვის.
- ბარი
- რესტორანი
- სპა ცენტრი
- ბიზნეს ცენტრი
- ფიტნეს ცენტრი
- შიდა აუზი
კვება
სასტუმრო რუმსი ვიზიტორებს სთავაზობს უმაღლესი ხარისხის მომსახურებას პროფესიონალი შეფმზარეულებისგან. სასტუმროთა ქსელში შეგიძლიათ დააგემოვნოთ, როგორც ქართული ასევე უცხოური სამზარეულოს კერძები. აქ დიდი არჩევანია ჯანსაღი კვების მოყვარულთათვისაც და მათთვისაც, ვისაც დესერტები იზიდავს.
ამასთან აღსანიშნავია, რომ სასტუმრო რუმსის თითოეული რესტორანი გამორჩეული დიზაინის მქონეა და საოცრად სასიამოვნო გარემოს ქმნის. ამასთან თითოეულ სასტუმროში განთავსებულია ბარი, სადაც სხვადასხვა სახის კოქტეილის დაგემოვნებას და მუსიკის მოსმენასაც შეძლებთ.
სასტუმროს ნომრები
გამომდინარე იქედან, რომ სასტუმრო რუმსის ერთ-ერთი გამორჩეულობა მის უნიკალურ დიზაინშია, გასაკვირი არაა რომ თითოეული ნომერიც განსაკუთრებული ინტერიერის მქონეა. აქ ყველა ოთახი შექმნილია უმაღლესი კომფორტისა და სიმყუდროვის მიღწევის ამბიციით და ვიზიტორებს სთავაზობთ პოზიტიურ და თბილ ატმოსფეროს. ნომრები მეტ წილად დატვირთულია სხვადასხვა სახის დეკორაციებით, რაც მეტ სიმყუდროვეს ქმნის. ამასთან ყველა ნომერი აღჭურვილია ყველა საჭირო ინვენტარითა თუ ჰიგიენური საშუალებით.
აქვე უნდა აღინიშნოს ისიც, რომ სასტუმრო რუმსში ნომრები ხელმისაწვდომია, როგორც სოლო მოგზაურებისთვის ან წყვილებისთვის, ასევე ოჯახებისთვის. თქვენ შეგიძლიათ რუმსის ნებისმიერ სასტუმროში აირჩიოთ საოჯახო ნომრები, რომლებიც 4 ადამიანისთვისაა განკუთვნილი.
დამატებითი სერვისები
იმისთვის, რომ ვიზიტორებმა უფრო საინტერესოდ შეძლონ დროის გატარება, სასტუმრო რუმსი განსხვავებულ დამატებით სერვისებს სთავაზობს მათ. ასე მაგალითად სასტუმრო რუმს თბილისში შეგიძლიათ ისიამოვნოთ ღია მოსასვენებელი სივრცეებით ხოლო მათ ვისაც ელექტრო ავტომობილი გყავთ, ისარგებლოთ სპეციალურად განკუთვნილი სადგურით, მანქანის დასატენად.
სასტუმრო რუმს ყაზბეგში კი შეგიძლიათ შეუერთდეთ საფეხმავლო ტურებს ყაზბეგში ან ისარგებლოთ ლაშქრობისთვის განკუთვნილი ინვენტარით და მოიწყოთ ახალი თავგადასავლები სტეფანწმინდის საუცხოო ბუნებაში. რუმს ბაკურიანში დამსვენებლებისთვის კი ხელმისაწვდომია გარე მოსასვენებელი სივრცეები და თოვლში სრიალისთვის საჭირო აღჭურვილობის ქირაობის სერვისი.
ღირებულება
სასტუმრო რუმსში ერთი ღამის გატარების ღირებულება ნომრის კატეგორიისა და სეზონის მიხედვით განსხვავებულია. ასე მაგალითად მიმდინარე პერიოდისთვის, სასტუმრო რუმს თბილისში, ერთი ღამის მინიმალური ღირებულება 427 ლარია, თუმცა ფასები საშუალოდ 526 ლარამდე იზრდება. სასტუმრო რუმს ყაზბეგში კი სტანდარტული ნომრის ღირებულება 587 ლარიდან იწყება და საშუალოდ 680 ლარამდე იზრდება. რაც შეეხება სასტუმრო რუმს ბაკურიანს, ერთი ღამის მინიმალური ღირებულება 500 ლარია.