სასტუმროები თბილისში

24 საუკეთესო სასტუმრო თბილისში დასვენებისთვის

1. 

   Episode Tbilisi

   ★ ★ ★ ★ ★

   სასტუმრო 41 Pekini Avenue

   Episode Tbilisi თანამედროვე, მინიმალისტური და დახვეწილი დიზაინის სასტუმროა ქალაქის ცენტრალურ უბანში. სასტუმროს ინტერიერი, სივრცითი მოწყობა და ზონირება კომფორტულ და ეკლექტურ გარემოს ქმნის. სასტუმროს დიზაინზე ქართველმა არქტიტექტორმა, გიორგი ხმალაძემ იმუშავა. ინტერიერში გამოყენებულია ბუნებრივი ხისა და ქვის მასალა. ურბანული სტილისა და გამწვანებული სივრცეების კომბინაცია საოცრად მიმზიდველ ვიზუალს ქმნის. თანამედროვე დიზაინის ნომრები იდეალურია როგორც დასვენებისთვის, ისე სამუშაო სივრცის მოსაწყობად. სასტუმროს საკუთარი სავარჯიშო დარბაზიც აქვს, სადაც განტვირთვასა და ძალების აღდგენას შეძლებთ. მომსახურების ხარისხსა და მომხმარებლის კმაყოფილებას აქ დიდი ყურადღება ეთმობა, ამიტომ თქვენს კომფორტზე ეპიზოდში მაქსიმალურად იზრუნებენ.

   2180 მიმოხილვა 8.7

   ფასი ₾148

   დაჯავშნა
2. 

   Taberne Boutique Hotel Tbilisi

   ★ ★ ★ ★ ★

   სასტუმრო 3 Vakhtang Orbeliani Street

   Taberne Boutique Hotel ორბელიანის განახლებულ მოედანთან მდებარეობს. სასტუმროს იდეალური ლოკაცია აქვს – ფეხით სულ რაღაც 10 წუთში აღმოჩნდებით თავისუფლების მოედანზე, რუსთაველზე და დედაენის პარკში. ტაბერნესთან ახლოსაა “ბაზარი ორბელიანზე” – უნიკალური გასტრონომიული სივრცე, ტერასითა კაფე-ბარით ბოლო სართულზე. სასტუმროს ბარი განსაკუთრებით უნდა აღვნიშნოთ – შემინული კედლებითა და ჭერით. წვიმიან ამინდში აქაურობა საოცარი სიმყუდროვის განცდას მოგანიჭებთ. ზოგიერთ ოთახს საკუთარი ტერასა აქვს, საიდანაც მთაწმინდა და თბილისის ანძა გადმოგყურებთ. სტანდარტული ნომრები შედარებით მცირე ზომისაა, თუმცა ყოველი კუთხე თქვენს კომფორტზეა გათვლილი.

   1847 მიმოხილვა 9

   ფასი ₾212

   დაჯავშნა
3. 

   Rooms Hotel Tbilisi

   ★ ★ ★ ★ ★

   სასტუმრო Kostava Street 14

   Rooms Hotel Tbilisi ინდუსტრიული სტილისა და დიზაინის მქონე 4 ვარსკვლავიანი სასტუმროა, რომელიც თბილისის ისტორიული სტამბის ყოფილ შენობაში გაიხსნა. სასტუმროს 9 სხვადასხვა კატეგორიის ნომრები 5 სართულზეა განლაგებული. ბოლო სართულის ნომრებს საკუთარი ტერასა და თბილისის საოცარი ხედები ამშვენებს. გარდა გამორჩეული სტილისა, სასტუმრო და მისი ბარი თბილისელთა საყვარელი თავშეყრის ადგილია, სადაც საღამოობით უგემრიელესი კოქტეილებითა და მუსიკით ისიამოვნებთ. სასტუმროს შუაგულში მოწყობილია ბაღი, სადაც შეგიძლიათ დასივენოთ და განიტვირთოთ სიმწვანეში, მოიწყოთ ლანჩი ან უბრალოდ სამუშაო სივრცე. პირველ სართულზე განთავსებული რესტორანი სასტუმროს ესთეტიკასა და ხელწერას იმეორებს, რომელიც ტრადიციული და თანამედროვე ელემენტების დახვეწილი შერწყმაა.

   1295 მიმოხილვა 8.8

   ფასი ₾265

   დაჯავშნა
4. 

   Amante Narikala Boutique Hotel

   ★ ★ ★ ★ ★

   სასტუმრო #1 Gomi Street

   ამანტე ნარიყალა ძველ თბილისში, მის ისტორიულ ნაწილში მდებარეობს, საიდანაც საუკეთესო ხედები იშლება ქალაქზე. ინტერიერი დახვეწილი და მინიმალისტურია, თანამედროვე ელემენტებითა და მკვეთრი ფერის აქცენტებით. ოთახები ფართო, მაგრამ მყუდროა. სასტუმროს ადგილმდებარეობა იდეალურია – რამდენიმე წუთის სავალ მანძილზე ქალაქის ისტორიული ცენტრში და ყველაზე საინტერესო ტურისტულ ღირსშესანიშნაობებთან აღმოჩნდებით. ამავდროულად სასტუმრო საკმარისად მოშრებულია ქალაქის გადატვირთულ ქუჩებს და სიმყუდროვეს ინარჩუნებს. ამანტეს სახურავის ტერასაზე შეგიძლიათ ეწვიოთ ბარს, სადაც ქალაქის თვალწარმტაცი პანორამული ხედის ფონზე დააგემოვნებთ უგემრიელეს კოქტეილებს.

   606 მიმოხილვა 9.3

   ფასი ₾217

   დაჯავშნა
5. 

   TbiliSee Hotel

   ★ ★ ★ ★ ★

   სასტუმრო Betlemi Street 24

   TbiliSee Hotel ქალაქის ისტორიულ უბანში მდებარეობს. სასტუმროს ვერანდიდან ხელის გულივით მოსჩანს თბილისის პეიზაჟები. თანამედროვე ინტერიერი ჰარმონიულად ერწყმის დედაქალაქის არქიტექტურისთვის დამახასიათებელ სტილს. თბილისური ხის ფერადი აივნები ქალაქის განწყობას ირეკლავს. სასტუმროს ტერასაზე მოწყობილი საუზმე დღის გამორჩეული დასაწყისია. სამზარეულო ნამდვილად გაგაოცებთ – ტრადიციული კერძების თანამედროვე ვარიაციები განსაკუთრებით საინტერესოა როგორც ადგილობრივი, ისე უცხოელი სტუმრებისთვის. ვიქენდზე საღამოობით ტერასა ცოცხალი მუსიკის საღამოებს მასპინძლობს. განათებული თბილისის ხედები და უგემრიელესი კოქტეილები მეგობრებთან ან საყვარელ ადამიანთან ერთად განტვირთვის არაჩვეულებრივი საშუალებაა.

   2587 მიმოხილვა 9.3

   ფასი ₾213

   დაჯავშნა
6. 

   Timber Boutique hotel

   ★ ★ ★ ★ ★

   სასტუმრო 37 Aleksandre Khakhanashvili Street

   Timber Boutique hotel ქალაქის გულში მდებარე 36 ნომრიანი ბუტიკ ტიპის სასტუმროა. სიმყუდროვე, ლოფტური და ინდუსტრიული სტილის გაერთიანება დახვეწილ და გამორჩეულ ინტერიერს ქმნის. კომფორტული ნომრები და სააბაზანო სრულად აღჭურვილია საჭირო ინვენტარით. სასტუმროს კეთილგანწყობილი პერსონალი კი მუდმივად მზადაა თქვენს დასახმარებლად. ლობიში მოწყობილია წიგნების კუთხე, სადაც შეძლებთ თქვენთვის საინტერესო საკითხავი აღმოაჩინოთ და თავისუფალი დრო ნაყოფიერად გაატაროთ. სასტუმროს მოხერხებული მდებარეობა აქვს – მანქანით 15 წუთში ქალაქის ცენტრალურ ნაწილში აღმოჩნდებით. ახლოსაა თბილისის აეროპორტიც.

   2590 მიმოხილვა 9.1

   ფასი ₾122

   დაჯავშნა
7. 

   Stamba Hotel

   ★ ★ ★ ★ ★

   სასტუმრო 14 Merab Kostava Street

   სასტუმრო სტამბა ვინტაჟისა და თანამედროვეობის უნაკლო შერწყმაა. უნიკალური დიზაინის ფართო, ნათელი ოთახები სტუმრებს განსაკუთრებით იზიდავს. ნომრებში საოცრად კომფორტული, ღრუბელივით ფაფუკი საწოლები, მაკინტოშის სტერეო სისტემა, საკუთარი ყავის აპარატი, სპილენძის მოოქროვილი აბაზანები და მინიბარი დაგხვდებათ. სასტუმროს ინტერიერში ყოველი დეტალი გათვლილი და ნაფიქრია. სასტუმროს პირველ სართულზეა კაფე “სტამბა”, სადაც გამორჩეული კულინარიული გამოცდილების მიღება შეგიძლიათ. საავტორო კოქტეილებს ამერიკული ესთეტიკის მქონე ვარდისფერ ბარში დააგემოვნებთ, არტიზანული შოკოლადითა და ყავით კი სტამბას შოკოლატერიაში გაგიმასპინძლდებიან.

   1348 მიმოხილვა 9.2

   ფასი ₾557

   დაჯავშნა
8. 

   Shota Rustaveli Boutique Hotel

   ★ ★ ★ ★ ★

   სასტუმრო Shevchenko str. 1

   Shota Rustaveli Boutique Hotel ორიგინალური სტილითა და კონცეფციით გამორჩეული სასტუმროა. თანამედროვე, სადა და დახევწილი დიზაინი თავიდანვე მიიქცევს თქვენს ყურადღებას. პასტელურ ფერებში გადაწყვეტილი ინტერიერი და ხის მასალის სიჭარბე თბილ და სასიამოვნო გარემოს ქმნის და სახლის სიმყუდროვეს სძენს აქაურობას. დიზაინში აქტიურადაა გამოყენებული სხვა ნატურალური მასალებიც, როგორებიცაა ტყავი, რკინა და გრანიტი. კომფორტი და ელეგანტურობა სასტუმროს სავიზიტო ბარათია. ხელსაყრელი მდებარეობის გამო, აქედან ფეხით შეგიძლიათ ქალაქის მთავარი ღირსშესანიშნაობებისა და ძველი, საინტერესო ქუჩების მოვლა. სასტუმროში 4 სხვადასხვა სივრცეა, სადაც საუზმის, სადილისა თუ ვახშმის მოწყობა შეგიძლიათ – ბარი, რესტორანი “მელოგრანო”, ტერასა და ლაუნჯ ბარი.

   1369 მიმოხილვა 9.3

   ფასი ₾254

   დაჯავშნა
9. 

   Hotel 21

   ★ ★ ★ ★ ★

   სასტუმრო Konstantine Eristavi Street 21

   Hotel 21 თბილისური ბუტიკ სასტუმროა, თბილ და მყუდრო ფერებში გადაწყვეტილი ინტერიერით, რომლებიც შესანიშნავად ერწყმის ერთმანეთს. სასტუმრო 2022 წელს გაიხსნა. ნომრები საკმაოდ დიდი ზომისაა და იდეალურია დასასვენნებლად თუ სამუშაო სივრცის მოსაწყობად. სასტუმროს მოხერხებული მდებარეობა აქვს. სულ რაღაც 10 წუთში მანქანით ქალაქის ცენტრალურ ნაწილში, თავისუფლების მოედანზე აღმოჩნდებით. ნომრებიდან ქალაქის, ქუჩებისა და გარშემორტყმული მთების ხედი იშლება. სასტუმროს შესანიშნავი კვება აქვს – ცხელი კერძებითა და წასახემსებლებით.

   447 მიმოხილვა 9.2

   ფასი ₾286

   დაჯავშნა
10. 

    Graf Hotel

    ★ ★ ★ ★ ★

    სასტუმრო 11 Gia Abesadze Street

    სასტუმრო გრაფი ერთ-ერთი საუკეთესო მომსახურებითა და სტუმართმოყვარეობით გამოირჩევა. თანამედროვე დიზაინის კომფორტული ნომრები იდეალურია დასვენებისა და განტვირთვისთვის. აქვე უნდა აღვნიშნოთ – სასტუმროს მომსახურება და კომფორტი ნამდვილად აღემატება მის ფასს. რაც მთავარია, Graf Hotel-ს საუკეთესო მდებარეობა აქვს. თქვენ გარშემოა თბილისის მთავარი ღირსშესანიშნაობები და ტურისტული ადგილები – თავისუფლების მოედანი, შარდენის ქუჩა, ლესელიძე. ზოგიერთი ნომრის სასტუმრო ოთახში მოწყობილია სპეციალური კუთხე – ჩასაწოლი აბაზანით, რაც საოცრად მყუდრო და ინტიმურ ატმოსფეროს ქმნის.

    1541 მიმოხილვა 9.2

    ფასი ₾313

    დაჯავშნა
11. 

    Khedi Hotel by Ginza Project

    ★ ★ ★ ★ ★

    სასტუმრო 24 Ketevan Tsamebuli Avenue

    სასტუმრო “ხედი” გამორჩეული და დახვეწილი დიზაინის ნომრებს სთავაზობს ვიზიტორებს. გარდა თანამედროვე ტიპის ნომრებისა, სასტუმროში თბილისური არქიტექტურისთვის დამახასიათებელი ელემენტებით მოწყობილი ოთახებია. ინტერიერში გამოყენებულია ფერადი ფარდაგები და ხალიჩები, რიყის ქვის ფაქტურის კედლები, მოწნული ხის სანათები და თიხის საყვავილეები. განსაკუთრებით მოგვეწონა სასტუმროს სასადილო დარბაზი, რომელიც ერთგვარ ტროპიკულ ატმოსფეროს ქმნის ინტერიერში გამოყენებული მცენარეებით, მინის ჭერითა და ხის მოწნული ავეჯით. სასტუმროს რესტორნიდან ქალაქის არაჩვეულებრივი პეიზაჟი იშლება. მისი მდებარეობა მოსახერხებელია ტურისტებისთვის, ახლოსაა როგორც ქალაქის ცენტრალურ ნაწილთან, ისე აეროპორტთან.

    1562 მიმოხილვა 9.2

    ფასი ₾283

    დაჯავშნა
12. 

    Folk Boutique Hotel

    ★ ★ ★ ★ ★

    სასტუმრო 56, Grishashvili street

    Folk Boutique Hotel 5 სხვადასხვა კატეგორიის ნომრებითაა აღჭურვილი. მყუდრო და ნათელი ოთახები გაფორმებულია ქართული ტრადიციული ტანისამოსის გამოსახულებებითა და ელემენტებით. სასტუმროში ასევე წარმოდგენილია ქართულ მოტივებზე შექმნილი ტანისამოსი, ჩოხა-ახალუხი და სხვა მორთულობები. ამ ადგილის ყველაზე დიდი უპირატესობა გამწვანებული ეზო და საზაფხულო სივრცეა, სადაც დღისით თუ საღამოს არაჩვეულებრივად შეგიძლიათ განიტვირთოთ ბუნებასთან სახლოვით, რაც დედაქალაქში იშვიათი გამონაკლისია. თბილ ამინდში პირდაპირ ღია ცის ქვეშ, ტერასაზე შეგიძლიათ ინებივროთ აბაზანაში უგემრიელესი კოქტეილების თანხლებით.

    739 მიმოხილვა 9.1

    ფასი ₾244

    დაჯავშნა
13. 

    Sandali Metekhi Boutique Hotel

    ★ ★ ★ ★ ★

    სასტუმრო 23 Viktor Jorbenadze Street

    Sandali Metekhi Boutique Hotel ქალაქის ისტორიულ გულში მდებარეობს. სასტუმროს ტერასებიდან და აივნებიდან მტკვრის სანაპიროსა და ფერდობებზე შეფენილი თბილისური შენობების ხედი იშლება. აივნის იატაკი გამჭვირვალე მინითაა დაფარული და ზემოდან დაჰყურებთ მდინარის ხეობას. ქალაქის ხედით ტკბობა აბზანაში ნებივრობის დროსაც კი შეგიძლიათ. ინტერიერი სასიამოვნო და დახვეწილია, ნომრებში საკმაო სივრცე და სინათლეა, რომ თავი კომფორტულად იგრძნოთ. სასტუმრო მცირე ზომისაა, ამიტომ მშვიდი და საკმაოდ მყუდრო ატმოსფეროა. უნდა აღვნიშნოთ ერთი “მაგრამ” – სტანდარტული ნომრების აბზანა საკმაოდ მცირე მოცულობისაა, ამიტომ, თუკი საღამოს მასში ნებივრობა თქვენი საყვარელი რუტინის შემადგენელი ნაწილია, უმჯობესია უფრო მაღალი კლასის ოთახი შეარჩიოთ.

    1325 მიმოხილვა 9.4

    ფასი ₾233

    დაჯავშნა
14. 

    IOTA Hotel Tbilisi

    ★ ★ ★ ★ ★

    სასტუმრო 10 Lermontov Street

    სასტუმრო იოტა თავისუფლების მოედნიდან სულ რაღაც 300 მეტრში მდებარეობს. სასტუმრო ვიზიტორებს თავისი გამწვანებული შიდა ბაღით და არაჩვეულებრივი ტერასით ამახსოვრებს თავს, საიდანაც ქალაქის ხედები იშლება. სასტუმროს ორი რესტორანი აქვს – “IOTA Garden” და “ღუმელი”. ეს უკანასკნელი განსაკუთრებული პოპულარობით სარგებლობს ქალაქში, დახვეწილი დიზაინისა და უგემრიელესი, მრავალფეროვანი კერძების გამო. ოთახების დიზაინი მონოქრომული და მინიმალისტურია. ასევე მინიმალურადაა ინტერიერში გამოყენებული დეკორაციები და მორთულობები. მიუხედავად იმისა, რომ ეს სტილი მოგვწონს, ჩვენთვის მაინც ზედმეტად სადა აღმოჩნდა. თუმცა თუკი თქვენთვის სისადავე ზედმეტი არასოდესაა, იოტას ნომრებში განტვირთვას ნამდვილად შეძლებთ. სასტუმროს კიდევ ერთი მნიშვნელოვანი უპირატესობა მისი სავარჯიშო დარბაზია, ტრენაჟორებით და არაჩვეულებრივი ხედით ქალაქზე.

    2749 მიმოხილვა 8.3

    ფასი ₾320

    დაჯავშნა
15. 

    Bioli Wellness Resort

    ★ ★ ★ ★ ★

    სასტუმრო #1 Bioli st, Tbilisi, Kojori

    Bioli wellness Resort თბილისიდან 15 კილომეტრის მოშორებით დაბა კოჯორში მდებარეობს.სასტუმრო განსაკუთრებულ ყურადღებას იქცევს მდებარეობით და იდეალურია მათთვის ვისაც უნდა ქალაქის ხმაური ულამაზესი პანორამული ხედებით ჩაანაცვლოს.სასტუმრო კოტეჯები მყუდრო და ეკო-მეგობრული ინტერიერით გამოირჩევა. რაც შეეხება რესტორანს, ივენთ ჰოლისა და რესტორნის სინთეზი, “ბიოლი ჰოლი”, კვების განსაკუთრებულ მოდელს ამკვიდრებს.რესტორანში კერძები მხოლოდ ნატურალური პროდუქტებისგან მზადდება, რომელთა ნაწილი თავად ბიოლის სათბურშია მოყვანილი. ისინი განსაკუთრებით მდიდარია ვიტამინებით და სასარგებლო ელემენტებით, რაც დადებით გავლენას ახდენს ადამიანის ჯანმრთელობაზე. სასტუმროს პერსონალი ინდივიდუალურად ზრუნავს ვიზიტორებზე და სთვაზობს გამაჯანსაღებელ სპა პროცედურებს. ბიოლი უნიკალური ადგილია, სადაც ორგანიზმის უჯრედულ დონეზე გაჯანსაღება და ჯანმრთელობასთან დაკავშირებული რისკების მართვა შეგიძლიათ.

    323 მიმოხილვა 9.2

    ფასი ₾1100

    დაჯავშნა
16. 

    Hotel Ambassador

    ★ ★ ★ ★ ★

    სასტუმრო Shavteli Street N17

    Hotel Ambassador თბილისის ისტორიულ უბანში მდებარეობს. სასტუმროს დახვეწილი , კლასიკური დიზაინის 10 სხვადასხვა კატეგორიის ნომერი აქვს. ოთახებიდან ქალაქისა და მტკვრის ხეობის ხედები იშლება. სასტუმრო იდეალურია ბიზნეს შეხვედრებისთვის. ასევე მათთვის, ვისთვისაც კლასიკური დეკორი და ესთეტიკა ზედმეტი არასოდესაა. სასტუმროს ტერიტორიაზე სამი განსხვავებული რესტორანია. მათგან ერთ-ერთი სრულიად განახლებული “A T Kitchen”-ის ტერასა ჩვენი ფავორიტია. ატმოსფერო ორანჟერეას მოგაგონებთ, სადაც სიმწვანე და დიზაინერული ვიტრაჟები ამაღლებულ განწყობას შეგიქმნით. რაც მთავარია, ამბასადორის ყველა რესტორანი გამორჩეული, მაღალი კლასის კერძებითაა ცნობილი. სასტუმროს ტერიტორიაზეა აუზი, ფიტნეს დარბაზი, სპა, სილამაზის სალონი და კაზინო.

    1457 მიმოხილვა 9

    ფასი ₾532

    დაჯავშნა
17. 

    The Biltmore Tbilisi Hotel

    ★ ★ ★ ★ ★

    სასტუმრო 29 Rustaveli Avenue

    სასტუმრო Biltmore ყველაზე მაღალი სასტუმროა კავკასიის რეგიონში. ქალაქის შუაგულში აღმართული მინის ცათამბრჯენიდან მთელს თბილისზე იშლება პანორამული ხედები. სასტუმროს მორთულობა საკმაოდ შთამბეჭდავია – მარმარილოს იატაკი, ბროლის ჭაღები და სვეტები გასული ეპოქის ნოსტალგიას ეხმიანება. სასტუმროს ოთახებში საკმარისი სივრცეა იმისთვის, რომ თავი კომფორტულად იგრძნოთ, დაისვენოთ, იმუშაოთ ან ივახშმოთ. შუშის გამჭვირვალე კელდები კიდევ უფრო მეტი სივრცის განცდას გიქმნით. სასტუმრო რუსთაველის ქუჩაზე მდებარეობს. აქედან ფეხით მოივლით ოპერისა და ბალეტის თეატრს, რუსთაველის თეატრს, დიმიტრი შევარდნაძის ეროვნულ გალერეასა და აბანოთუბანს. სასტუმროსთან ახლოს მდებარეობს თბილისელთა საყვარელი თავშეყრის ადგილი, ღვინის ქარხანა. ბილტმორის ტერიტორიაზეა განთავსებული აუზი, ფიტნეს ცენტრი, სპა, სილამაზის სალონი და კაზინო.

    2380 მიმოხილვა 8.5

    ფასი ₾429

    დაჯავშნა
18. 

    Moxy Tbilisi

    ★ ★ ★ ★ ★

    სასტუმრო Saarbruecken Square

    სასტუმრო Moxy ზაარბრიუკენის მოედანზე, დედაენის პარკსა და მშრალ ხიდთან მდებარეობს, საიდანაც რამდენიმე წუთში აღმოჩდნებით თბილისის მთავარ სანახაობებთან. “ბაზარი ორბელიანზე”, სოლოლაკის კაფე-ბარები, “ფაბრიკა” – ყველაფერი ფეხით სავალ მანძილზე, 10-15 წუთის დაშორებით გაქვთ. სასტუმროს საერთო სივრცეებში კომფორტულად მოთავსება და მუშაობაც შეგიძლიათ. გარემო მყუდრო და წყნარია. სასტუმრო ხელმისაწვდომისა და კომფორტულის მშვენიერი მიქსია. ოთახები აღჭურვილია საჭირო ინვენტარით, მდებარეობა – მოსახერხებელი, პერსონალი – კეთიგანწყობილი. სამზარეულო ერთ-ერთი გამორჩეულია თბილისში – რესტორანი “პური გულიანი” და “რიგი” არა მხოლოდ ინტერიერითა და დიზაინით მოგხიბლავთ, არამედ უგემრიელესი ქართული კერძებითაც დაგამახსოვრებთ თავს. რაც მთავარია, აქ დაბრუნება აუცილებლად მოგინდებათ მეგობრებთან ერთად.

    848 მიმოხილვა 8.8

    ფასი ₾215

    დაჯავშნა
19. 

    Hilton Garden Inn Tbilisi Chavchavadze

    ★ ★ ★ ★ ★

    სასტუმრო Chavchavadze Avenue 64a

    Hilton Garden Inn იდეალურია ბიზნეს ვიზიტებისთვის. სასტუმრო ვაკეში, ქალაქის იმ ზონაში მდებარეობს, რომელიც დატვირთულია ბიზნეს ცენტრებით, ბანკებითა და სხვადასხვა ტიპის სამუშაო სივრცეებით. ომპლექსს შეხვედრების 8 ოთახი აქვს, სადაც შეგიძლიათ დაგეგმოთ საქმიანი შეხვედრები, მოაწყოთ კონფერენცია, ჩაატაროთ ტრენინგი და ა.შ. დღის ბოლოს, ან მის დასაწყისში კი ფიტნეს დარბაზს ესტუმროთ ძალების აღსადგენად. სასტუმრო ოჯახური დასვენებისთვისაც შეგიძლიათ შეარჩიოთ. საოჯახო ტიპის ნომრები გათვლილია თქვენს შინაურ ცხოველებზეც. ბავშვებისთვის კვების რაციონი სპეციალურად მათთვის შედგენილი მენიუთი შეგიძლიათ შეარჩიოთ. სასტუმროსთან ახლოს ქალაქის ორი გამორჩეული რეკრეაციული სივრცეა – ვაკის პარკი და მზიური. ვაკის პარკში მოწყობილია

    1009 მიმოხილვა 8.5

    ფასი ₾200

    დაჯავშნა
20. 

    Tbilisi Marriott

    ★ ★ ★ ★ ★

    სასტუმრო Rustaveli Avenue 13

    Tbilisi Marriott დახვეწილობისა და სტილის საუკეთესო ნიმუშია. პრემიუმ კლასის 5 ვარსკვლავიანი სასტუმრო გარედანვე მიიქცევს თქვენს ყურადღებას. მე-20 საუკუნის დასაწყისში აგებული შენობის ფასადი რენესანსისა და ბაროკოს სტილის ელემენტებითაა გაფორმებული. ბროლის ჭაღები, მარმარილოს სვეტები და იატაკი, კედლის სიმაღლე სარკეები და ინტერიერის მოხატულობა საოცრად არისტოკრატულ ატმოსფეროს ქმნის. მარიოტი 11 სხვადასხვა კატეგორიის 116 ოთახს გთავაზობთ. სასტუმროს შიდა ეზოში მოწყობილია ღია სივრცე, სადაც დღის ნებისმიერ მონაკვეთში შეგიძლიათ დაისვენოთ, შეუკვეთოთ საყვარელი კოქტეილები და დესერტები, ან ივახშმოთ მყუდრო გარემოში. მარიოტის რესტორან “პარნასში” ქართულ ავთენტურ კერძებსა და საერთაშორისო სამზარეულოს დააგემოვნებთ საუკეთესო შეფების ავტორობით.

    884 მიმოხილვა 8.5

    ფასი ₾607

    დაჯავშნა
21. 

    Sheraton Grand Tbilisi Metechi Palace

    ★ ★ ★ ★ ★

    სასტუმრო Telavi Street 20

    Sheraton Grand Tbilisi Metechi Palace არა მხოლოდ ტურისტების, თბილისელების საყვარელი ადგილიცაა, განსაკუთრებით ზაფხულში. შერატონის ღია აუზიდან მთაწმინდისა და ნარიყალას ხედები იშლება. წყალი, არაჩვეულებრივი პეიზაჟი და კოქტეილები განტვირთვისა და გარუჯვის არაერთ მოყვარულს იზიდავს. სასტუმროს გამჭვირვალე ლიფტებიდან 10 სართულიანი ატრიუმის ხედი იშლება. დიდი ზომის კომფორტული სავარძლები იდეალურია მოსასვენებლად ლობისა თუ ნომერში. შერატონში დიდ ყურადღებას აქცევენ ქართულ სამზარეულოს. ტრადიციული კერძების ახლებური პრეზენტაცია და ვარიაციები გულგრილს არ დაგტოვებთ. სასტუმროს ხშირად სტუმრობენ მაღალი რანგის წარმომადგენლები, კეთილმოწყობილი საკონფერენციოებისა და ინფრასტრუქტურის გამო. შერატონს შესანიშნავი სავარჯიშო დარბაზი, სპა, საუნა და შიდა აუზიც აქვს.

    572 მიმოხილვა 8.6

    ფასი ₾480

    დაჯავშნა
22. 

    Radisson Blu Iveria Hotel

    ★ ★ ★ ★ ★

    სასტუმრო 1 First Republic Square

    Radisson Blu Iveria ის ადგილია, სადაც მომსახურებასა და სტანდარტებს არ ღალატობენ. ზოგჯერ, უბრალოდ არ გვაქვს დრო ექსპერიმენტების ჩასატარებლად. გვჭირდება ადგილი, სადაც ზუსტად ვიცით, რომ მოლოდინებს გაგვიმართლებენ. სწორედ მსგავსი სიტუაციებისთვის არსებობს რადისონი. ქალაქის შუაგულში მდგარი სასტუმროდან თბილისის პანორამული ხედები იშლება მტკვარსა და მთაწმინდაზე. სასტუმროს ნომრები სრულად მორგებულია ვიზიტორთა კომფორტზე – ფუმფულა საწოლებით, სამუშაო სივრცეებითა და საუკეთესო აბაზანებით. რადისონს აქვს როგორც ღია, ისე დახურული საცურაო აუზი. სასტუმროს რესტორანი, “უმამი” ერთ-ერთი გამორჩეულია თბილისის აზიურ სამზარეულოებს შორის. აქ მუდამ ახალი თევზი და ზღვის პროდუქტები დაგხვდებათ, რომლებსაც გამოცდილი შეფები მოგიმზადებენ.

    2238 მიმოხილვა 8.6

    ფასი ₾400

    დაჯავშნა
23. 

    Communal Hotel Sololaki

    ★ ★ ★ ★ ★

    სასტუმრო Kojori Street 6

    Communal Hotel Sololaki თავისი თანამედროვე, ფერადი, უნიკალური დიზაინით გამორჩევა. თუკი კომფორტთან ერთად განსხვავებული ვიზუალის სასტუმროს ეძებთ, სადაც ინტერიერი დიზაინერის ჩანაფიქრითაა დატვირთული, მაშინ Communal Hotel შესაფერისი ადგილია. ყოველი ოთახი უნიკალური და ინდივიდუალურია. ზოგიერთ მათგანს საკუთარი ტერასა და სამზარეულოც კი აქვს. ჩვენი საყვარელი დეტალი მაინც საძინებელში გამოტანილი აბაზანაა, რომელსაც დიზაინერული ჩანაფიქრის გარდა საოცარი სიმყუდროვე და სიახლის ატმოსფერო შემოაქვს. სასტუმროს არაჩვეულებრივი საუზმე აქვს. ნომერში კი შეგიძლიათ “Netflix”-ის ექაუნთით ისარგებლოთ. სასტუმროს შესანიშნავი ადგილმდებარეობა აქვს, ფეხით ზუსტად 10 წუთში შეგიძლიათ თავისუფლების მედანსა და რუსთაველზე აღმოჩნდეთ. უბანი საკმაოდ მშვიდია, ამიტომ სასტუმროში სიმყუდროვეს არავინ დაგირღვევთ.

    741 მიმოხილვა 9

    ფასი ₾190

    დაჯავშნა
24. 

    Pullman Tbilisi Axis Towers

    ★ ★ ★ ★ ★

    სასტუმრო 37m Chavchavadze Ave

    Pullman ახლად გახსნილი 5 ვარსკვლავიანი სასტუმროა აქსისის ბიზნეს ცენტრში. პულმანი ძალიან მალე იქცა თბილისელების ახალ საყვარელ ადგილად არაჩვეულებრივი რესტორნების და ბარების, უგემრიელესი კერძებისა და სასმელების გამო. და რაც მთავარია – პანორამული ხედებით მთელს ქალაქზე. სასტუმროს საკუთარი აუზი აქვს, რომელსაც მინის მოძრავი ჭერი გააჩნია. წვიმიან თუ თბილ ამინდში, 25 მეტრიან აუზში ნებივრობა ნებისმიერ დროს შეგიძლიათ. ოთახში თქვენი სამუშაო კუთხეც შეგიძლიათ მოიწყოთ. თბილისის ურბანული პეიზაჟების ფონზე მუშაობას თავისი ხიბლი და სიმყუდროვის განცდა მოაქვს. სასტუმროსთან ახლოს მდებარეობს ვაკის პარკი, სადაც დილით შეგიძლიათ სუფთა ჰაერზე გაისეირნოთ, გასცდეთ პარკის ფარგლებს და ტყისკენ გადაინაცვლოთ.

    979 მიმოხილვა 9

    ფასი ₾359

    დაჯავშნა