კაჭრეთის ამბასადორი
კაჭრეთის ამბასადორი ცნობილი რეზორტის ტიპის სასტუმროა, რომელიც გამოირჩევა მრავალფეროვანი სერვისებით და იმ საინტერესო გართობის შესაძლებლობებით, რომელსაც სასტუმრო ნებისმიერი ტიპის გემოვნების მქონე დამსვენებელს სთავაზობს. აქ ყველაფერია იმისთვის, რომ გაერთოთ და ამავდროულად ბუნებაში მშვიდად დაისვენოთ.
მდებარეობა
კაჭრეთის ამბასადორი კახეთში, გურჯაანის რეგიონში შემავალ ცნობილ სოფელ კაჭრეთში მდებარეობს. ადგილი გამოირჩევა ულამაზესი ბუნებითა და გასაოცარი ღვინის კულტურით, რომელიც ზოგადად კახეთისთვისაა დამახასიათებელი. მწვანე მთა-ბარი და ულამაზესი ფლორა კაჭრეთში ბუნების მოყვარულთათვის იდეალურ გარემოს ქმნის.
თუმცა ლამაზ ადგილმდებარეობასთან ერთად, კაჭრეთის ამბასადორი საკმაოდ მოსახერხებელ ადგილას მდებარეობს. სასტუმროსთან საკმაოდ ახლოსაა კაჭრეთის რკინიგზის სადგური, ასევე ბენზინგასამართი სადგური, მარკეტი, ქართული რესტორანი და კაჭრეთის წმ. გიორგის სახლეობის ეკლესია.
დიზაინი
კაჭრეთის ამბასადორის დიზაინი ორიენტირებულია შექმნას თბილი და პოზიტიური ატმსოფერო. სწორედ ამიტომ, ექსტერიერსა თუ ინტერიერში მეტ წილად გამოყენებულია ნათელი ფერები. ხის არქიტექტურული ელემენტების მქონე წითელსახურავიანი კლასიკური სტილის შენობები შთაგონებულია როგორც თანამედროვე შატოს სტილის არქიტექტურით, ასევე მევენეახეობის სფეროში გავრცელებული არქიტექტურით. კაჭრეთის ამბასადორის ბაღი შთამბეჭდავია რომელიც მოიცავს მოსასვენებელ სივრცეებს, აუზებსა და სხვადასხვა სტილის დეკორაციებს. ფეხით სეირნობის მოყვარულებს ნამდვილად მოგეწონებათ ეს ადგილი.
რაც შეეხება შიდა ინტერიერს, აქ ნათელ ფერებსა და მინიმალიზმზეა აქცენტი გაკეთებული. ექსტერიერის მსგავსად, შიდა დიზაინშიც ხშირად შეგხვდებათ ხის დეკორაციები რასაც მეტი სიმყუდროვის ატმოსფერო შემოაქვს. რაც შეეხება რესტორანსა და მსგავს საერთო სივრცეებს, აქ დიზაინი მეტ წილად ქართული კულტურით არის შთაგონებული, სადაც შეგხვდებათ ჭრელი ფარდაგები, ხის ინტერიერი და გამჭირვალე კედლები, ულამაზესი ხედის კიდევ უფრო ნათლად გამოსაკვეთად.
სერვისები და ობიექტები
კაჭრეთის ამბასადორი მრავალფეროვან გარემოს გთავაზობთ, რათა დრო სასიამოვნოდ და საინტერესოდ გაატაროთ. დავიწყოთ იმით, რომ სასტუმროში სამი სხვადასხვა ტიპის აუზია ხელმისაწვდომი. ესენია შიდა, ღია და დახურული აუზი ბავშვებისთვის. აუზებთან კომფორტული მოსასვენებელი სივრცეებია მოწყობილი, ქოლგებით, დივნებითა და ღია ბარით.
გარდა ამისა, უფრო ჯანსაღი ფიზიკური დასვენებისთვის შეგიძლიათ ამბასადორის ულამაზეს ბაღში გაისეირნოთ სადაც ასევე შეძლებთ პიკნიკის მოწყობას. ასევე ხელმისაწვდომია სპა ცენტრი, სადაც პროფესიონალთა გუნდი სხვადასხვა, ჯანმრთელობისთვის სასარგებლო მასაჟს შემოგთავაზებთ. აქვეა საუნა, რომელიც იდეალურია ფიზიკური გაჯანსაღებისთვის. და თუ უფრო აქტიური ფიზიკური დატვირთვა გსურთ, შეგიძლიათ ფიტნეს ცენტრით ისარგებლოთ, სადაც ყველაფერია მსუბუქი თუ წონითი ვარჯიშების შესასრულებლად.
სასტუმროს ნომრები
კაჭრეთის ამბასადორში დაგხვდებათ ნათელი, და მყუდროდ მოწყობილი ნომრები, საოცარი ბუნების ხედებით. აქ ნომრები სივრცით საკმაოდ დიდია და უზრუნველყოფილია ყველა საჭირო ინვენტარით.
თუმცა სასტუმროს ნომრების მთავარი გამორჩეულობა ხელმისაწვდომ კატეგორიათა მრავალფეროვნებაშია. კონკრეტულად, აქ ხელმისაწვდომია სხვადასხვა ტიპის ნომრები როგორც ორი ასევე ორზე მეტი ადამიანისთვის. შესაბამისად, გეგმავთ დასვენებას საყვარელ ადამიანთან თუ ოჯახთან და მეგობრებთან ერთად, კაჭრეთის ამბასადორს შეუძლია თქვენს მოთხოვნებზე მორგებული ნომრის შემოთავაზება.
კვება
კაჭრეთი ამბასადორის რესტორანი გამოირჩევა უგემრიელესი და მაღალი ხარისხის მენიუთი, სადაც კერძები მომხმარებელთა მრავალფეროვან გემოვნებაზეა მორგებული. აქ შეგიძლიათ დააგემოვნოთ როგორც ქართული ასევე ევროპული და უცხოური სამზარეულოს კერძები.
ასევე ხელმისაწვდომია სპეციალური მენიუ ჯანსაღი კვების ან სპეციფიკური მოთხოვნების მქონე ვიზიტორთათვის. ამასთან არ დაგავიწყდეთ სახელგანთქმული კაჭრეთის მეღვინეობის შედევრების დაგემოვნება კაჭრეთი ამბასადორის ბარსა და რესტორანში.
დამატებითი სერვისები
კაჭრეთის ამბასადორი ბევრ დამატებით სერვისს გთავაზობთ რაც დაგეხმარებათ დრო უფრო საინტერესოდ გაატაროთ და უფრო ისიამოვნოთ. ასე მაგალითად შეგიძლიათ იქირაოთ ველოსიპედი ან ცხენი და გაისეირნოთ ულამაზეს ბუნებაში. ასევე შეგიძლიათ ესტუმროთ ტენისის კორტებს და იმხიარულოთ მეგობრებთან ერთად. სპორტის მოყვარულებისთვის, სასტუმროში ეწყობა სხვადასხვა მატჩების პირდაპირი ტრანსლაცია სადაც ასევე შექმნილია იდეალური გარემო საგულშემატკივროდ.
თუ თამაშები გიზიდავთ, შეგიძლიათ სამაგიდო თამაშებით გაერთოთ, ან გამოსცადოთ თავი ბოულინგში, პინკ-პონგში და გოლფში. არ ინერვიულოთ თუ გოლფი ნაკლებად იცით, რადგან სასტუმრო სასწავლო მინი კურსსაც გთავაზობთ გოლფში დამწყებებს. მხიარულებისთვის კი იდეალურია თუ ესტუმრებით კაჭრეთის ამბასადორში ხშირად გამართულ მუსიკალურ ღონისძიებებს. ცოცხალი მუსიკა, ღია ბარები და მხიარულება იდეალურია იმისთვის რომ საუკეთესო მოგონებები შემატოთ თქვენს დასვენებას.
კაჭრეთის ამბასადორში ასევე შეგიძლიათ უფრო ახლოს გაიცნოთ კახური კულტურა და დაესწროთ ადგილობრივი კულტურის მასტერკლასებს სადაც იმხიარულებთ და ამასთან საინტერესო გამოცდილებასაც შეიძენთ. და თუ თევზაობა გიყვართ, სასტუმრო დაგეხმარებათ საჭირო ინვენტარით და გასწავლით იმ ზონებსაც სადაც შეგიძლიათ თევზაობით დატკბეთ, სასტუმროს ტერიტორიაზე მდებარე ტბასთან.
ღირებულება
კაჭრეთის ამბასადორში ერთი ნომრის დაქირავების ღირებულება დამოკიდებულია არჩეულ კატეგორიაზე. სტანდარტულ ნომრებშიც კი არის შედარებით ბიუჯეტური და მაღალფასიანი არჩევანი. მიმდინარე პერიოდისთვის, სასტუმროში ერთი ღამის გატარებისთვის მინიმუმ 490₾ დაგჭირდებათ, თუმცა ფასი ცვალებადია და დაახლოებით 750 ლარამდე მერყეობს.
სერვისები ბავშვებისთვის
კაჭრეთის ამბასადორში იდეალური გარემოა შექმნილი პატარა დამსვენებლებისთვის. აქ მათი მხიარულებისთვის სპეციალურად გამოყოფილია სრულიად უსაფრთხო აუზი, ასევე მოწყობილია სათამაშო სივრცე, როგორც ბაღში ასევე სასტუმროს შენობაში. ბავშვებს სხვადასხვა სამაგიდო თამაშითაც შეუძლიათ გაერთონ. რაც შეეხება კვებას, სასტუმროს აქვს სპეციალური მენიუ და მათზე მორგებული შეთავაზებები კაჭრეთის ამბასადორის რესტორანში.